Asteartean, hilak lau, kimikako
bigarren mailako ikasleak Añorgako Cementos Rezola lantegira joan ginen.
Bertako museoa ezagutu genuen eta zementua lortzeko prozesua eta lantegiaren
historia azaldu zizkiguten.
Kareharria eta marga dira
zementuaren lehengai nagusiak. Marga lantegi atzen dagoen harrobi batetik
lortzen dute eta kareharria Andoainen dagoen harrobi batetik. Hauek
lehergailuen bidez lortzen dituzte, harriak barrualdean aurkitzen baitira.
Lehergailuen bidez behar duten zatia soilik lehertzen dute eta ondoren hau jaso
egiten da. Leherketa Guardia Zibilak kontrolatzen du.
Kareharria eta marga kopuru jakin
batean berotzen dira 1700ºC-tan. Hortik klinker izeneko beste harri artifizial
bat lortzen da. Labe hori kokearen bidez berotzen da, erregai fosil bat, eta
energia handia behar du.
Klinkerrari igeltsua eta
substantzia gehigarriak gehitzen zaizkio. Horrela, zementua lortzen da.
Laborategien helburua substantzia gehigarrien proportzioa handitzea eta
lehengaiena txikitzea da, produktu gehigarri hauek birziklatuak baitira.
Hainbat neurri hartzen dituzte
zementua lortzeko erabiltzen dituzten lehengaiak iraunkorrak izan daitezen.
Hala nola, karbono dioxido emisioa kontrolatzen dute; inpaktuak gutxitzen
dituzte zuhaitz berriak landatuz harrobietan… Egia esan, ingurumen arazoa
kontuan hartzen dute eta hori oso garrantzitsua da.
Bestalde, enpresaren historia
zertxobait azaldu ziguten. Bertako etxeetan langileak bizi zirela azaldu
ziguten. Gaur egun museoa dagoen lekuan eskola bat omen zegoen langileen
umeentzat eta bertan ikasten zuten beraien ofizioa. Langileek bertako dendan
erosten zituzten beraien gauzak eta denda hura enpresarena zen.
Oso interesgarria iruditu
zitzaigun bisita eta gauza asko ikasi genituen.
Comentarios
Publicar un comentario