Euri eta elurrez blaitutako urteko
hilabeterik laburrenari agur esateko asmoz edo, Ekialderantz abiatu ginen joan
zen ostegun goizeko zortzietan euskal dialektologiaren berri zehatzago izateko
39 ikasle eta bi irakasle.
Lehenengo
geldialdia Donibane Garazin izan genuen eta bertan zain geneukan ibilaldi osoan
gidari izango genuen Allande Sokarros zuberotarra. Zuberoarako bidean Donaixti herria zeharkatu genuen, Nafarroa
Behereko azkena, eta Oskitzeko lepoa igo
genuenerako zain geneuzkan Zuberoako teilatu berezi ilun-beltz horiek eta bidearen
ertz batean Azkorria Gaztandegia. Bertan gelditu eta gazta dastatzeko aukeraz
gain, bertako arduradun den Dominika Agergarairen aurkezpen saio ederraz gozatzeko aukera izan genuen. Bost minutu baino ez zitzaigun geratzen
Maulera iristeko eta mokadu bat egin eta herria pixka bat ikusi ondoren berriro
ere Mendebalderantz abiatu ginen, datorren urtean beste ikasle batzuekin
Allanderen, Dominikaren eta beste hainbat zuberotarren euskalki eder horretaz
gozatzeko irrikan.
Comentarios
Publicar un comentario