Otsailaren
12an, asteazkena, SOROSPEN ikastaroa izan dute institutuko irakasle eta
langile ez-irakasleek. Era berean, gure inguruko ikastetxeetako hainbat
irakaslek ere parte hartu dute. Ikastaroaren emaileak Beasaingo
OSAKIDETZAko bi arduradun izan dira: Xabier MUJIKA eta Justo MUJIKA.
Ikastaro honetan, eguneroko bizitzan gerta daitezkeen osasun egoeren
aurrean (zauriak, odol-jarioak, hozkadak, erredurak, ziztadak, alergiak,
esgintzeak, lipotimiak, konbultsioak, eztarriko trabamendua…) nola
jokatu behar den aipatu digute. Ikastaro oso interesgarria eta
motibatzailea izan da.
Tailer praktikoa ere izan du ikastaroak. Otsailaren 26an, asteazkena, egin
da eta lau gune izan ditu: bihotz-biriketako masajea, Hemlich-en
maniobra (eztarriko trabamenduak), segurtasun-postura eta
desfibriladorearen erabilera.
Sorospen ikastaro honetako parte hartzaileak 130etik gora izan dira. Gure eskerrik beroenak eman nahi dizkiegu hau posible egin duten Osakidetzako arduradunei eta erizainei (Oihana JAUREGI, Isabel FARIÑAS, Olatz OLARTE eta Bakarne ZUBELDIA)
Comentarios
Publicar un comentario