Urtero
bezala, aurten ere gure elkartrukea izango dugu Groningengo Zernike
institutuarekin eta ikasle eta irakasle holandesak gure artean daude
jadanik.
Aurten taldea txikiagoa da baina espero dugu esperientzia beste urtetan bezain positiboa izatea.
Jendea
urduri zegoen kanpoterren zain ziren bitartean baina laister aurkitu
zituzten euren lagunak eta toki askotan elkarrekin ikusteko aukera izan
genuen.
Asteleheneko eguraldi epela lagun, mendi ibilaldi dotorea egiteko aukera izan dugu. Senpere, Oiangu, Lazkaomendi-Itxurrene eta amaiera Lazkaotik Senperera. Gure lagun holandarrei hemengo inguru aldapatsu eta mendiz inguratuek zirrara sortzen diete, leku guztiz lauetan ohituta baitaude. Eguraldia ere lagun izan genuen, euria hasterako etxean baikinen.
Gure
bisitariak egun hauetan gauza desberdinak egin dituzte. Asteartean
Bilbora joan ziren. Bertan Artxandatik hasita Erriberako merkatura joan
ziren eta euren bisita Guggenheim museoam bukatu zuen.
Asteazkenean
institutora etorri dira. Han, harrera ofíciala izan ondoren, joku eta
dantzetako tailerrak egin dituzte. Ondoren Segurara joan dira herri
polit hau ezagutzeko.
Elkartrukeko
partaideei gaur tokatu zaie Donostia bisitatzea. Egun honetan gure
ikasleek baimena zuten euren lagunekin joateko eta horrela egin dute.
Eguraldi
lagun izan dutenez aukera paregabea izan dute Urgull mendira igotzeko
eta bertatik Donostiako bista zoragarriaz gozatzeko. Ondoren Alde
Zaharrean zehar argazki batzuk atera behar izan dute denbora libre izan
aurretik.
Arratsaldeko lehenengo orduan talde txiki batek Aquarium-a bisitatu du.
Astea oso azkar joan da eta konturatu aurretik gure lagun holandesak etxera itzuli behar zuten.
Goizean
lan egiteko ordua izan dugu: elkartrukean parte hartzen duten ikasle
guztiak, bai hemengoak baita holandesak ere aritu dira Apirilian
Holandan aurkeztuko dituzten lanak prestatuz.
Ondoren hamaiketakoa hartu dute eta laster abiatu dira martxa hasteko.
Apirilean Groningenen ikusiko dugu elkar!
Comentarios
Publicar un comentario