Loinazpeko DBH2ko ikasle guztiek parte hartu zuten
joan den Urriaren 27an Peter Roberts Mimarte antzezlanean; bertan
“alkohol kontsumoaren prebentzioa” landu zutelarik. Parte hartze
dinamikoa sortu zuen aktoreak bere antzezlanarekin. Ikaslegoa zein parte
hartutako irakasleak gustora aritu ziren.
Sarrera:
Alkoholaren
gehiegizko erabileraren prebentzioa tratatzen duen antzezlanak, DBH eta
Batxilergoko ikasleei zuzendua dago. Programa honekmimoa, magia,
humorea eta ikuslegoaren parte hartzea erabili nahi itu gazteek
alkoholaren gehiegizko kontsumoaren inguruan hausnartu dezaten.
Komunikazio estrategiak
Antzezlanaren
zati batek komunikazio ez berbalaren eta artistaren eszenaratzearen
inguruan ikertzen du. Horrez gain, gazteen arreta bereganatzeko eta
alkoholaren gehiegizko kontsumoak dituen arriskuez ohartarazteko
ikuskizunak duen gaitasunaz ere ikertzen du.
Aukeratutako
eszenek gazteen identifikazioa bilatzen dute. Helburua ikasleek
antzezlanean aurrera doazen heinean bizitzako gertakizunak
identifikatzea da eta bere jokabideek ekar dakizkioken ondoriak ikustea.
Programak
bere estrategiaren barruan irakasleen parte hartzea bultzatzen du.
Irakaslegoarentzako gida bat dauka, lan egiteko fitxak hautatzeko aukera
ematen duena.
Helburuak
- Metodologia berri eta harrigarria - mimoa - erabiltzea mezu prebentiboak transmititzeko.
- Alkoholaren gehiegizko kontsumoarekiko erreflexio kritikoa bultzatzea, eguneroko gertaeren errepresentazioaren bidez.
- Alkoholaren kontsumoarekin lotutako arriskuen prebentzioa bultzatzea.
- Komunikazio bide bat irekitzea ikuskizunak iradokitako gaiei buruzko debatea sortzeko.
- Alternatiba osasuntsuak bultzatzea mimoaren eta antzerkiaren munduari leiho bat irekiz.
Comentarios
Publicar un comentario